A Nosa Rede

NOTICIA COMPLETA EN CORREO GALLEGO

+INFO AQUÍ

O título pode parecer enganoso, pero en principio así foi. Un cliente de Movistar Vomistar contratou ADSL 10 Mb despois de que esta marabillosa compañía llo ofrecese, pero o pobre cliente vía que non navegaba con moita soltura e que ver vídeos xa era imposible (normal…).

Loxicamente fixo un test de velocidade e comprobou que a descarga era de 50 kb, unha banda bastante estreita. O home procedeu a denunciar a compañía e esta recoñeceu que o ADSL era totalmente de manivela, e indemnizou ó cliente con 500€, pero iso si, a conexión non lla amañou. Non creo que fixera falta porque supoño que se daría de baixa.

Aínda haberá quen diga que 50 kb dan para navegar e ver o correo, e dar dan, pero grazas á manivela.

Saúdos!

Boas xente!

Vouvos falar dunha nova que lin sobre a ciencia hoxe: unha impresora que é capaz de imprimir obxectos en 3D, é dicir, en tres dimensións. O deseño non se parece moito ao das actuais impresoras pero seica vai na llama! Aquí temos unha imaxe:

Esta impresora, fabricada en EEUU, é o último do mercado en impresoras xa que é capaz de reproducir os píxels dun debuxo dun PC nunha figura real a unha escala milimétrica. Esta máquina traballa con algoritmos e é capaz de reproducir unha chea de obxectos e formas. A partir de pezas pequenas vaise facendo o obxecto desexado.

Este trebello sae como o último invento no ámbito das impresoras e os científicos deseñadores deste invento xa traballan para mellorala. Segundo puidemos informarnos, este grupo de científicos andan traballando para que poida ser unha ferramenta esencial para a agricultura e gandaría. Seica andan matinando como facer para poder imprimir Barreiros e Jhon Deere coa súa respectiva maquinaria: cisterna, fresadora, remexedor do purín, abonadora, etc. Pero teñen un problema: a impresora aumenta considerablemente de tamaño e están tratando de resolver este mero trámite. O resultado co que contan estes fenómenos é máis ou menos este:

Bueno agricultor@s e gandeir@s espero que esta máquina poida traballar ao voso gusto!

Sen máis, ata a próxima!

Boas de novo internautas!

Chamoume a atención unha nova que lin na páxina tiraMillas.net e gustaríame falar un pouco sobre ela.

Pois a noticia fala de que os propietarios de iPhone son os usuarios de móviles con maior actividade sexual, por encima dos que usan as Blackberry e Android. Así se posees un iPhone serás o king (rei) do ligoteo! Según esta noticia os propietarios dun iPhone aos 30 anos xa mantiveran relacións sexuais con 10 mulleres distintas.

Eu se esta noticia é certa ou non, non o sei. Pero teño un amigo, chamado Antonio (para os amigos “Toni”) que tiña 29 anos e 11 meses e nunca un pub nin discoteca pisara. Dito individuo posuía unha Blackberry e enterouse da nova e o outro día xa foi mercar o iPhone 4. Oe, e parece que foi Dios! En dúas semanas chimpou a VINTE E PICO mulleres de golpe; e sen saír da casa. As rapazas a chegarlle cos coches á eira e seus abuelos axudándolle ás chavalas a aparcalos. Ata tiveron que quitalo tractor da eira que non había sitio con tanta rapazada! Era un cachondeo pa coller vez para gozar de Toni.

A historia de Antonio non sei se sería unha casualidade ou unha persoa máis que confirma o estudo. Eso non o sei; xuzguen vostedes.

Con cariño, ata a próxima!